Yaşlı insanlarda koronavirusun necə keçməsini təhlil edən alimlər onların əksəriyyətində xəstəliyin atipik simptomlarını müşahidə ediblər.
Şərqi İngiltərə Universitetinin bununla bağlı araşdırması “medRxiv” resursuna yerləşdirilib.
Məlumata görə, müşahidələr aprelin 7-dən iyunun 29-dək qocalar evində aparılıb. COVID-19 üçün götürülən analiz nümunələri müsbət çıxmış 103 nəfərin yalnız 38-də koronavirusun standart əlamətləri aşkarlanıb.
Bildirilib ki, 54 nəfərdə ya xəstəliyin ümumiyyətlə, simptomları qeydə alınmayıb, ya da yoluxmadan 2 həftə sonra ortaya çıxmağa başlayıb.
Bununla belə, yoluxanların çoxu naxoşluq və əzginlik hiss ediblər. Alimlər bunu COVID-19-un atipik kateqoriyasına aid ediblər.
.
